ФИФА 1960 ва 2004-йиллар орасида Чемпионлар Лигаси ва Либертадорес Кубоги ғолиблари курашган Қитъалараро Кубок билан 2000-йилда ташкил қилинган клублар ўртасидаги Жаҳон чемпионатини бирлаштиришга қарор қилди.
Бу эса 1960, 1998, 2002-йилларда Қитъалараро кубокни, 2014 ва 2016-йилларда клублар ўртасидаги Жаҳон чемпионатини ютган “Реал”га клублар ўртасидаги беш карра чемпион мақомини беради.
Бу билан мадридликлар азалий рақиби “Барселона”дан ўзиб кетди. Каталонияликлар ушбу нуфузли совринни 2009, 2011 ва 2015-йилларда ютиб олган эди. Бу кўрсаткич ҳозиргача рекорд натижа бўлиб келаётганди. Энди “Барселона” пешқадамга айланиш учун камида яна икки марта ушбу совринга эга чиқиши керак бўлади.
