Испания чемпионатининг 10-тури доирасида Бильбаонинг «Атлетик» клуби ўз майдонида «Барселона»ни қабул қилди. Вальверде ўзининг собиқ жамоасини мағлуб этишга муваффақ бўлди.

Ўйин анча ҳужумкор ва хавфли вазиятларга бой бўлди. Марк-Андре тер Штеген маҳорат намойиш этиб, ўз дарвозасига дахлсизлигини сақлаб қолди. Биринчи бўлимда Месси бирга-бир вазиятда дарвозабонни ҳам алдаб ўтиб зарба берди, аммо тўп устунга тегиб, майдонни тарк этди. Орадан кўп ўтмасдан аргентиналик футболчи ҳисобни очди. Альба қанотдан етказиб берган узатмани Месси дарвозага жойлаб қўйди.

Бильбаоликлар иккинчи таймни анча фаол ўтказган бўлса, "Барса" кўп вақтини ҳимояда ўтказишга мажбур бўлди. Фақатгина қўшиб берилган дақиқаларда меҳмонлар қарши ҳужум ташкил қилишди ҳамда Паулиньо бўш дарвозани ишғол қилди.

Ушбу ғалабадан кейин "Барселона" ўз очколарини 28тага етказиб, пешқадамлик қилишда давом этадиган бўлди.

Испания Ла лигаси, 11-тур
АТЛЕТИК– БАРСЕЛОНА 0:2 (0:1, 0:1)
Голлар: 0:1 – 36 Месси, 0:2 – 90+2 Паулиньо.
Атлетик – Аррисабалага, Нуньес, Лапорт, Иньиго Лекуэ, Боведа, Сан Хосе (Беньят, 68), Кордоба, Итурраспе, Рауль Гарсия, Иньяки Уильямс (Сусаета, 83), Адурис.
Барселона – тер Стеген, Альба, Пике, Умтити, Паулиньо, Серджи Роберто, Андре Гомеш (Нелсон Семеду, 83), Бускетс, Ракитич, Суарес, Месси.
Огоҳлантиришлар: Итурраспе (41), Бускетс (47), Пике (63), Паулиньо (75), Умтити (81).