Ispaniya chempionatining 10-turi doirasida Bilbaoning «Atletik» klubi o‘z maydonida «Barselona»ni qabul qildi. Valverde o‘zining sobiq jamoasini mag‘lub etishga muvaffaq bo‘ldi.

O‘yin ancha hujumkor va xavfli vaziyatlarga boy bo‘ldi. Mark-Andre ter Shtegen mahorat namoyish etib, o‘z darvozasiga daxlsizligini saqlab qoldi. Birinchi bo‘limda Messi birga-bir vaziyatda darvozabonni ham aldab o‘tib zarba berdi, ammo to‘p ustunga tegib, maydonni tark etdi. Oradan ko‘p o‘tmasdan argentinalik futbolchi hisobni ochdi. Alba qanotdan yetkazib bergan uzatmani Messi darvozaga joylab qo‘ydi.

Bilbaoliklar ikkinchi taymni ancha faol o‘tkazgan bo‘lsa, "Barsa" ko‘p vaqtini himoyada o‘tkazishga majbur bo‘ldi. Faqatgina qo‘shib berilgan daqiqalarda mehmonlar qarshi hujum tashkil qilishdi hamda Paulinyo bo‘sh darvozani ishg‘ol qildi.

Ushbu g‘alabadan keyin "Barselona" o‘z ochkolarini 28taga yetkazib, peshqadamlik qilishda davom etadigan bo‘ldi.

Ispaniya La ligasi, 11-tur
ATLETIK– BARSELONA 0:2 (0:1, 0:1)
Gollar: 0:1 – 36 Messi, 0:2 – 90+2 Paulinyo.
Atletik – Arrisabalaga, Nunyes, Laport, Inigo Lekue, Boveda, San Xose (Benyat, 68), Kordoba, Iturraspe, Raul Garsiya, Inyaki Uilyams (Susayeta, 83), Aduris.
Barselona – ter Stegen, Alba, Pike, Umtiti, Paulinyo, Serdji Roberto, Andre Gomesh (Nelson Semedu, 83), Buskets, Rakitich, Suares, Messi.
Ogohlantirishlar: Iturraspe (41), Buskets (47), Pike (63), Paulinyo (75), Umtiti (81).