«Барселона» бош мураббийи Эрнесто Вальверде Испания чемпионати доирасида «Атлетик»га қарши бўлиб ўтган ўйин (2:0) борасида ўз фикрларини билдириб ўтди.

«Бильбаода ғалаба қозониш учун жиддий меҳнат қилиш керак. «Сан Мамес»нинг қонунияти шундай. Биринчи бўлимда биз яхши ўйнадик ва майдон марказида рақибга муаммо яратдик. Бир марта рақибни офсайдда ушлашда хатога йўл қўйдик ва Адурис тер Штеген билан яккама-якка вазиятга чиқиб кетди.

Иккинчи бўлимда «Атлетик» кўп прессинг уюштирди. Натижада биз бир неча марта тўпни йўқотдик. Шу боис, мезбонлар имкониятларга эга бўлди ва дарвозамиз томон босим уюштириб турди. Бизга ўйин ритми етишмади. Бахтимизга сафимизда Месси бор. У ўйин тақдирини ҳал қила олади.

Гомеш ҳимояда ҳам, ҳужумда ҳам бирдек яхши ўйнай олади. Биз унга ёрдам беришимиз керак. У бошланғич таркибда ўйнашга муносиб.

Бутун ўйин давомида менда ғалати ҳиссиёт ҳукмронлик қилди. Мен бу ерга рақиб сифатида ташриф буюришга кўникмаганман. Бу ҳиссиёт билан курашишга тўғри келди», — деди Вальверде.