«Barselona» bosh murabbiyi Ernesto Valverde Ispaniya chempionati doirasida «Atletik»ga qarshi bo‘lib o‘tgan o‘yin (2:0) borasida o‘z fikrlarini bildirib o‘tdi.

«Bilbaoda g‘alaba qozonish uchun jiddiy mehnat qilish kerak. «San Mames»ning qonuniyati shunday. Birinchi bo‘limda biz yaxshi o‘ynadik va maydon markazida raqibga muammo yaratdik. Bir marta raqibni ofsaydda ushlashda xatoga yo‘l qo‘ydik va Aduris ter Shtegen bilan yakkama-yakka vaziyatga chiqib ketdi.

Ikkinchi bo‘limda «Atletik» ko‘p pressing uyushtirdi. Natijada biz bir necha marta to‘pni yo‘qotdik. Shu bois, mezbonlar imkoniyatlarga ega bo‘ldi va darvozamiz tomon bosim uyushtirib turdi. Bizga o‘yin ritmi yetishmadi. Baxtimizga safimizda Messi bor. U o‘yin taqdirini hal qila oladi.

Gomesh himoyada ham, hujumda ham birdek yaxshi o‘ynay oladi. Biz unga yordam berishimiz kerak. U boshlang‘ich tarkibda o‘ynashga munosib.

Butun o‘yin davomida menda g‘alati hissiyot hukmronlik qildi. Men bu yerga raqib sifatida tashrif buyurishga ko‘nikmaganman. Bu hissiyot bilan kurashishga to‘g‘ri keldi», — dedi Valverde.