«Реал» ҳужумчиси Криштиану Роналдуга Халқаро футбол тарихи ва статистикаси (IFFHS) версияси бўйича 2016 йилнинг энг яхши тўпурари соврини топширилди. Мазкур танловда футболчилар томонидан клуб ва терма жамоа сафида халқаро ўйинларда урган голлари инобатга олинади.
2016 йилда Роналду халқаро ўйинларда 24 та гол урди (11та «Реал» ва 13та Португалия терма жамоаси сафида). Португалиялик футболчи бу натижа орқали Лионель Месси (21) ва Эдинсон Кавани (16)ни ортда қолдирди.
Шу тариқа, Роналду IFFHS'нинг мазкур совринига 3 марта эга чиқди (2013, 2014 ва 2016). Месси ҳисобида эса бундай совриндан 2таси мавжуд.