“Барселона” клуби қишки трансферлар мавсуми вақтида марказий ҳимоячи чизиғини кучайтирмоқчи.

Каталонияликлар биринчи навбатда “Байер” жамоаси ҳимоячиси Жонатан Та вариантини кўриб чиқмоқда. У бу мавсумда Чемпионлар лигасида ўйнамаган.

21 ёшли германиялик футболчининг леверкузенлик клуб билан шартномаси 2020 йилгача мўлжалланган. Унга кўра, 2018 йилнинг ёзида Тани 25 миллион евро эвазига сотиб олиш имкони бор.

Бундан ташқари, “Барселона” “РБ Лейпциг”дан Дайот Упамекано билан қизиқмоқда, аммо 19 ёшли франциялик ўйинчи жорий ЕЧЛда иштирок этиб бўлган.

“Палмейрас”нинг колумбиялик марказий ҳимоячиси Йерри Минани эса каталониялик клуб ёзда харид қилмоқчи.