«Реал» ҳимоячиси Серхио Рамос жамоага Неймарнинг келишидан хурсанд бўлишини таъкидлаб ўтди. Аввалроқ "Қироллик клуби" бразилиялик футболчини қўлга киритиш учун ҳаракатни бошлагани ҳақида хабар тарқалганди.

«Жаҳоннинг энг яхши футболчилари билан бир жамоада ўйнаш менга ёқади. Неймар эса жаҳоннинг энг яхши футболчиларидан бири. "Барселона"дан "Реал"га ўтишга қараганда "ПСЖ"дан бизнинг сафимизга ўтиш осонроқ. Футболда ҳамма нарса рўй бериши мумкин. Албатта, Неймарнинг "Реал"га ўтиши биз учун фойдали бўларди. У билан яхши муносабатларга эгаман. Мен унинг трансферига қаршилик қилмаган бўлардим», — деди Серхио Рамос.

Неймар «Барселона»да ўйнаётганида икки марта дисквалификациядан фойдаланиб, синглисининг туғилган куни учун Бразилияга бориб келганди. Бу борада "Реал" сардори қуйидагича жавоб берди: «Неймар сафимизга қўшилишдан олдин синглисининг туғилган кунини муҳокама қилиб оламиз», — деди Рамос юзида табассум билан.