Шимолий Ирландия терма жамоаси ярим ҳимоячиси Корри Эванснинг хотини Лиза, ЖЧ-2018 саралаши плей-оффидан ўрин олган Швейцарияга (0:1) қарши ўйин ҳакамини ҳақорат қилувчи твитларни ёзди, деб хабар бермоқда Mirror.
Маълумки, айнан Эванснинг ҳаракатлари руминиялик бош ҳакам Овидиу Хацеган томонидан пенальти белгиланишига олиб келган ва бу ягона голга сабаб бўлганди.
«Руминиялик ифлос лўли. Шимолий Ирландия яна унинг сассиқ ватандошларини қабул қилиши ҳам керак. Ношукр шаллақи. Нима бўлганда ҳам, олға йигитлар!» – деб ёзди аёл твиттерда.
Бироз вақт ўтгач, Лиза Эванс твиттер аккаунтини ўчириб юборди.
