Бельгия терма жамоаси ҳужумчиси Ромелу Лукаку терманинг тарихдаги энг яхши тўпурарига айлангандан сўнг бу ҳолатга ўз муносабатларини билдириб ўтди.
Эслатиб ўтамиз, Лукаку 64 учрашувда майдонга тушиб, жами 30 та гол урган.
“Мен гол уриш учун туғилганман. Бунданда ҳам кўпроқ гол уришни истайман. Умид қиламанки, йил охиригача кўрсаткичларим бунданда яхшироқ бўлади.
Бельгия терма жамоасининг ҳозирги авлоди катта ютуққа эга чиқишини истардим. Бошим узра қандайдир соврин кўтариш катта орзуим ҳисобланади.
Мен доим ўз кучимга ишонаман. Агар ўз устингда кўпроқ ишласанг шахсий ютуқларни қўлга киритишинг мумкин, лекин мен учун жамоа ютуқлари муҳимроқ ҳисобланади”.
