Италия терма жамоаси ҳимоячиси Леонардо Бонуччи Швецияга қарши учрашув (0:1) дан сўнг ҳакамлар ҳақида гапириб ўтди.
“Мени бурнимни синдиришди! Ўйин бошланиши биланоқ Тойвонен бурнимга зарба берди, у четлатилиши керак эди. Яна нима дейишим мумкин? Очиғини айтганда, ҳакам ҳеч бўлмаса швецияликлардан биттасини майдондан четлатишга мажбур эди.
Биз шведларнинг узоқ пасларга таяниб ўйнашини билардик, шунинг учун уларга кўп вазиятлар яратишларига имкон бермадик.
Лекин ўзимиз ҳам тўп назоратини қўлга ололмадик. Италия сўнгги дақиқаларга қадар ўзига бўлган ишончни йўқотмаслиги зарур”, – дейди Бонуччи.
