Италия терма жамоаси бош мураббийи Жампьеро Вентура агар жамоани ЖЧ-2018 мусобақасига олиб чиқа олмаса ўз постини тарк этиши мумкин.
Жума куни италияликлар Швецияга қарши сафар ўйинида 0:1 ҳисобида имкониятни бой беришди. Айнан мана шу мағлубиятдан сўнг Вентуранинг курсиси қимирлаши ҳақида хабарлар тезкорлик билан тарқалмоқда.
Агар Вентура истеъфога чиқадиган бўлса, унинг ўрнини “Бавария” собиқ мураббийи Карло Анчелотти босиши мумкин. Бундан ташқари, мазкур лавозимга “Челси” устози Антонио Конте ва Италия ёшлар термасини бошқарадиган Луижи ди Баджо каби номзодлар бор.
Эслатиб ўтамиз, 69 ёшли мутахассис август ойида Италия футбол федерацияси билан 2020 йилга қадар шартномасини узайтирганди.
