“Манчестер Юнайтед” клуби 2014 йилда Клопп билан боғланган экан. Чунки жамоа раҳбарияти ўша пайтда “қизил иблислар”ни бошқарган Девид Моеснинг натижасидан қониқмаган ҳамда унинг ўрнига Клоппни олиб келмоқчи бўлган экан. Бу ҳақда Клопп ўзи ҳақидаги асар муаллифи Рафаел Хонигштайнга гапириб берган.

“Манчестер Юнайтед” витсе президенти Девид Вудворт Германияда Клопп билан учрашган ва унга Девид Моеснинг ўрнини эгаллашни таклиф қилган. Қолаверса, у “Орзулар театри” (“Олд Траффорд”) — катталар учун Диснейленд эканлигини, у афсонавий жойлигини таъкидлаган. Бироқ, барибир, Клопп бу таклифни рад этган”, деб ёзади Хонигштайн.