"ПСЖ" ҳуумчиси Килиан Мбаппе "Реал" устози Зинедин Зидан билан суҳбатда мадридликлар сафига ўтишни рад қилган ҳақидаги маълумотни инкор қилди.
Футболчининг айтишича, Париж клуби унга таклиф билдирган биринчи жамоа эмас.
Ўтган мавсум давомида ОАВ испан грандининг бу футболчига қизиқаётгани ҳақида бот-бот ёзиб турди. "Реал" президенти бу борада аниқ фикр билдирмаган ва 18 ёшли футболчининг мадридликларнинг асосий таркибига тушиши қийин бўлишини таъкидлаган.
Мбаппе "ПСЖ"да ижарада ўйнамоқда, унинг трансфер ҳуқуқи "Монако"га тегишли, аммо мавсум охирида у "ПСЖ"нинг тўлақонли аъзоси бўлади.
