Аргентиналик футбол афсонаси Диего Армандо Марадона Аргентина термасини бошқаришни истаётганини таъкидлади.
“Шуни таъкидлашни истардимки, терма жамоамизнинг обрўси тушиб бормоқда. Бунга эса футболчилар айбдор эмас. Мен мураббийликка қайтишни истайман”, деди Марадона.
Таъкидлаш керакки, Марадона Аргентина термасини бошқарган мураббийлар орасида ғалаба кўрсаткичи бўйича биринчи ўринда туради — 75 фоиз. 57 ёшли мутахассис терма жамоани 2008-2010 йилларда бошқарган. Унинг даврида Аргентина 2010 йилги мундиалнинг чорак финалигача етиб борган. Ўшанда Марадона шогирдлари чорак финалда Германияга 0:4 ҳисобида мағлуб бўлишганди.
