«ПСЖ» клуби ярим ҳимоячиси Тьяго Моттанинг тиззаси кичик операцияга муҳтож, дея хабар қилмоқда Goal нашри.
35 ёшли футболчи 23 сентябрда бўлиб ўтган «Монпелье»га (0:0) қарши ўйиндан сўнг тиззасидаги оғриқдан шикоят қилганди.
Айтилишича, италиялик футболчи операция сабаб 2017 йилни охиригача майдонга туша олмайди ва фақат қишги танаффусдан сўнггина сафга қайтиши мумкин.
Ушбу мавсум Мотта Франция чемпионатининг саккизта ўйинида қатнашди ва ЕЧЛда учта ўйин ўтказган. Унинг ҳисобида битта гол бор.