«PSJ» klubi yarim himoyachisi Tyago Mottaning tizzasi kichik operasiyaga muhtoj, deya xabar qilmoqda Goal nashri.
35 yoshli futbolchi 23 sentyabrda bo‘lib o‘tgan «Monpelye»ga (0:0) qarshi o‘yindan so‘ng tizzasidagi og‘riqdan shikoyat qilgandi.
Aytilishicha, italiyalik futbolchi operasiya sabab 2017 yilni oxirigacha maydonga tusha olmaydi va faqat qishgi tanaffusdan so‘nggina safga qaytishi mumkin.
Ushbu mavsum Motta Fransiya chempionatining sakkizta o‘yinida qatnashdi va YECHLda uchta o‘yin o‘tkazgan. Uning hisobida bitta gol bor.