Англия терма амоасининг собиқ ҳужумчиси Майкл Оуэн ЖЧ-1998 нимчорак финалида (2:2, 3:4 - пен. серияси) Аргентина термаси дарвозасига урган машҳур голини эслади.
"Бекҳэм менга тўп оширганда майдон марказида эдим. Айяла ёки яна кимдир қанчалик узоқлашганини тасаққур қилолмадим. Ёнимда ҳимоячи бор эди ва мен "ундан қочиб кетишим керак ва шунда..." деб ўйладим. Футболда вазият ҳар сонияда ўзгариб туради. Тўпни ўнг оёғим билан яхши қабул қилиб олдим, аргентиналикни деярли ортда қолдирдим ва олдинга қарадим.
Ҳаёлимдан "олдинда фақат бир ўйинчи турибди" деган фикр ўтди - у анча узоқда эди. Ҳужумни давом эттиришим керак эди, ҳимоячи менга етолмас эди. Олдингга манекен қўйиб қўйганлари сингари. Ўйинчи ўз дарвозаси яқинида туриб ва ҳужум қилишга шароит яратяпти, мен ундан ўтолмайманми? Қанотга силжидим ва ўнг томондан Скоулз пайдо бўлганини кўрдим, аммо тўпга ўзим етиб бориб зарба бердим. Ортга қайтаётиб "Гол ёмон чиқмади" деб қўйдим.
Ҳамма футболчилар мени табриклаб, қучоқлашга ташландилар. Трибунада ким ўтирганини билмасдим. Майдон марказида туриб, муштим билан ғалаба ишорасини қилдим ва томошабинларга қарадим. 30 минг томошабин ичида кўзимга биринчи ким тушди, биласизми? Отам ва онам. Муштимни ғолибларча яна бир силтадим ва хаёлимда "Қойилмақом гол бўлди" деб қўйдим", - слайди Оуэн.
