Angliya terma amoasining sobiq hujumchisi Maykl Ouen JCH-1998 nimchorak finalida (2:2, 3:4 - pen. seriyasi) Argentina termasi darvozasiga urgan mashhur golini esladi.
"Bekhem menga to‘p oshirganda maydon markazida edim. Ayyala yoki yana kimdir qanchalik uzoqlashganini tasaqqur qilolmadim. Yonimda himoyachi bor edi va men "undan qochib ketishim kerak va shunda..." deb o‘yladim. Futbolda vaziyat har soniyada o‘zgarib turadi. To‘pni o‘ng oyog‘im bilan yaxshi qabul qilib oldim, argentinalikni deyarli ortda qoldirdim va oldinga qaradim.
Hayolimdan "oldinda faqat bir o‘yinchi turibdi" degan fikr o‘tdi - u ancha uzoqda edi. Hujumni davom ettirishim kerak edi, himoyachi menga yetolmas edi. Oldingga maneken qo‘yib qo‘yganlari singari. O‘yinchi o‘z darvozasi yaqinida turib va hujum qilishga sharoit yaratyapti, men undan o‘tolmaymanmi? Qanotga siljidim va o‘ng tomondan Skoulz paydo bo‘lganini ko‘rdim, ammo to‘pga o‘zim yetib borib zarba berdim. Ortga qaytayotib "Gol yomon chiqmadi" deb qo‘ydim.
Hamma futbolchilar meni tabriklab, quchoqlashga tashlandilar. Tribunada kim o‘tirganini bilmasdim. Maydon markazida turib, mushtim bilan g‘alaba ishorasini qildim va tomoshabinlarga qaradim. 30 ming tomoshabin ichida ko‘zimga birinchi kim tushdi, bilasizmi? Otam va onam. Mushtimni g‘oliblarcha yana bir siltadim va xayolimda "Qoyilmaqom gol bo‘ldi" deb qo‘ydim", - slaydi Ouen.
