Бугун Қарши шаҳрида Олий лига 29-тури доирасида "Насаф" - "Пахтакор" учрашуви бўлиб ўтади.
Ҳал қилувчи мақомини олган ушбу учрашув соат 14600 дан бошлаб Спорт Тв каналидан жонли трансляция қилинади. Ўйинни шарҳловчи Мурод Ризаев шарҳлаб боради.
Насаф-Пахтакор ўйини 14:00да жонли трансляция қилинади. Ўйинни Мурод Ризаев шарҳлаб боради.
Эслатиб ўтамиз, бу тўқнашув ҳам кумуш медаль, ҳам Осиё чемпионлар лигаси йўлланмаси эгасини аниқлаб беради. "Пахтакор" сафарда "Насаф"ни мағлуб этса, очколар бўйича Рўзиқул Бердиев жамоасига етиб олади ҳамда жадвалда 2-ўринга кўтарилиб олади. Боиси, Олий лига-2017 регламентида, очколар тенг келиб қолганда, ғолиб номи қуйидаги кўрсаткичлар асосида белгилаб қўйилган:
1) ўзаро ўйинларда кўп очко тўплаган жамоа;
2) ўзаро ўйинларда яхши тўплар фарқига эга бўлган жамоа;
3) ўзаро ўйинларда сафарда кўп гол урган жамоа;
4) барча ўйинларда энг яхши тўплар фарқига эга бўлган жамоа;
5) барча ўйинларда кўп ғалабага эга бўлган жамоа;
6) барча ўйинларда кўп гол урган жамоа.
"Пахтакор" биринчи даврада ўз уйида "Насаф"ни мағлуб (2:1) этганини инобатга олсак, бугунги ғалаба тошкентликларга чемпионатнинг кумуш медали, ҳам ОЧЛ йўлланмасини кафолатлайди. Боиси, пахтакорчилар сўнгги турда "Обод" билан ўйнашлари керак. "Обод" эса чемпионатни тарк этган ва "Пахтакор" бу ўйинда 3 очкони муддатидан аввал ҳал қилиб қўйган.
Ўз навбатида "Насаф" ғалаба қозонса, кумуш медали ва ОЧЛ йўлланмасини нақд қилиб қўйишади. Бугун учрашув дуранг билан якунланса, "Насаф" сўнгги турда "Навбаҳор" билан камида дуранг ўйнаши лозим бўлади.
