Bugun Qarshi shahrida Oliy liga 29-turi doirasida "Nasaf" - "Paxtakor" uchrashuvi bo‘lib o‘tadi.
Hal qiluvchi maqomini olgan ushbu uchrashuv soat 14600 dan boshlab Sport Tv kanalidan jonli translyasiya qilinadi. O‘yinni sharhlovchi Murod Rizayev sharhlab boradi.
Nasaf-Paxtakor o‘yini 14:00da jonli translyasiya qilinadi. O‘yinni Murod Rizayev sharhlab boradi.
Eslatib o‘tamiz, bu to‘qnashuv ham kumush medal, ham Osiyo chempionlar ligasi yo‘llanmasi egasini aniqlab beradi. "Paxtakor" safarda "Nasaf"ni mag‘lub etsa, ochkolar bo‘yicha Ro‘ziqul Berdiyev jamoasiga yetib oladi hamda jadvalda 2-o‘ringa ko‘tarilib oladi. Boisi, Oliy liga-2017 reglamentida, ochkolar teng kelib qolganda, g‘olib nomi quyidagi ko‘rsatkichlar asosida belgilab qo‘yilgan:
1) o‘zaro o‘yinlarda ko‘p ochko to‘plagan jamoa;
2) o‘zaro o‘yinlarda yaxshi to‘plar farqiga ega bo‘lgan jamoa;
3) o‘zaro o‘yinlarda safarda ko‘p gol urgan jamoa;
4) barcha o‘yinlarda eng yaxshi to‘plar farqiga ega bo‘lgan jamoa;
5) barcha o‘yinlarda ko‘p g‘alabaga ega bo‘lgan jamoa;
6) barcha o‘yinlarda ko‘p gol urgan jamoa.
"Paxtakor" birinchi davrada o‘z uyida "Nasaf"ni mag‘lub (2:1) etganini inobatga olsak, bugungi g‘alaba toshkentliklarga chempionatning kumush medali, ham OCHL yo‘llanmasini kafolatlaydi. Boisi, paxtakorchilar so‘nggi turda "Obod" bilan o‘ynashlari kerak. "Obod" esa chempionatni tark etgan va "Paxtakor" bu o‘yinda 3 ochkoni muddatidan avval hal qilib qo‘ygan.
O‘z navbatida "Nasaf" g‘alaba qozonsa, kumush medali va OCHL yo‘llanmasini naqd qilib qo‘yishadi. Bugun uchrashuv durang bilan yakunlansa, "Nasaf" so‘nggi turda "Navbahor" bilan kamida durang o‘ynashi lozim bo‘ladi.
