Анъанамизга мувофиқ, бугун Қарши шаҳридаги “Марказий” стадионда бўладиган “Насаф” – “Пахтакор” учрашувининг трансляциясига оид маълумотларни эътиборингизга ҳавола қиламиз.
Албатта, бундай қизиқарли учрашувни аввало стадионга келиб томоша қилишга нима етсин. Аммо ҳаёт ташвишлари билан бўлиб, бундай имкониятга эга бўлмаган мухлисларни ҳам ёддан чиқармаслигимиз керак.
Демак, “Марказий” стадионимиздаги учрашув ҳар доимгидек ходимларимиз томонидан mycujoo.tv сайти орқали тўғридан-тўғри видеотрансляция қилинади.
Видеотрансляцияга мана бу ҳавола орқали ўтишингиз мумкин.
Бугунги учрашув расмий сайтимиз орқали, ҳар доимгидек онлайн матнли трансляция қилинади.
Матнли трансляцияга мана бу ҳавола орқали ўтинг.
“Насаф” – “Пахтакор” учрашуви “Sport” телеканали орқали тўғридан-тўғри намойиш этилади. Учрашувни таниқли футбол шарҳловчиси - Мурод Ризаев шарҳлайди. Трансляция режиссёри - Туроб Ҳайдаров. Шунингдек учрашувга оид маълумотларни “Ўзбекистон” радиоканалидаги (FM 103.1) радиойўқлама орқали ҳам тинглашингиз мумкин.
Яна бир маълумот, бугунги учрашув ПФЛ расмий сайтида ҳам намойиш қилиниши режалаштирилган.
