Мадриднинг «Реал» клуби бош мураббийи Зинедин Зидан «Атлетико» клубига (0:0) қарши кечган учрашувдан сўнг ўз фикрлари билан ўртоқлашди.

“Олдинда жуда кўп учрашувлар бор. Ўн очколик фарк жуда катта, аммо «Барселона» ҳар ўйинда ғалаба қозона олмайди ва биз шунга тайёр туришимиз керак.

Мен чемпионлик учун кураш ўз ниҳоясига етди деб ўйламайман. Биз ўз ишимизни килишда давом этамиз. Бу футбол, охиригача кураш олиб боришимиз керак.

Мен «Реал» клубини энди қабул қилиб олган мавсумда, биз «Барселона» клубидан 10 очко ортда қолаётган эдик. Чемпионат якунига келиб орадаги фарқ 1 очкога етди.

"Реал" яхши ўйин намойиш қилди, лекин бизга гол уриш насиб этмади. Футболчиларимиз ғалабага муносиб эдилар. Мен ҳеч кимни танқид қила олмайман, ҳамма бор кучи билан ўйнади. Биз тўғри йўлдамиз”, - дейди Зидан.