"Барселона" Ла лиганинг 12-турида "Леганес" билан учрашувда (3:0) огоҳлантирилганХереард Пике ва Луис Суареснинг сариқ карточкаларини бекор қилдирмоқчи.
Бу ҳақида клуб расмий сайти хабар қилмоқда.
Пике 29-дақиқада рақибини ушлаб қолгани учун огоҳлантирилди, бу унинг мавсумдаги 5-сариқ карточкаси эди, шунинг учун автоматик равишда 26 ноябрь куни "Валенсия"га қарши ўйинда ўйнамайди.
52-дақиқада Суарес дарвозабонга тўпни ўйинга киритишига ҳалақит қилгани учун огоҳлантирилган. Бу уругвайлик ўйинчининг мавсумдаги 3-сариқ карточкаси, аммо "Валенсия"га қарши ўйинда майдонга тушиши мумкин.
