"Спортинг" бош мураббийи Жорже Жезуш ЕЧЛнинг гуруҳ босқичида "Олимпиакос" устидан ғалабадан сўнг (3:1) фикрларини билдирди.
"Иккита вазифамиз бор эди: ғалаба қозониш ва бунда жароҳатини тиклаган футболчиларни уринтириб қўймаслик. Ҳар икки мақсадга ҳам етдик, шунинг учун ўтган ўйинни идеал деб атасак бўлади.
Жамоамнинг гуруҳ босқичидаги ўйинлари билан фахрланаман. Охирги турда "Барселона" ўйнашимиз ва плей-оффга чиқиш имкониятимиз бўлишига ким ишонибди дейсиз?
Орзуларга ишонамиз ва "Камп Ноу"га ғалаба учун йўл оламиз", - дейди Жезуш.
