“Бавария“ клуби бош мураббийи Юпп Хайнкес ЕЧЛнинг 5-турида “Андерлехт”га қарши учрашувдан (2:1) сўнг ўйин хақида фикрларини билдирди.

“Биринчи бўлимда ўйинимиз умуман ўхшамади. Бизда позицион хатолар, бемаврид тўп йўқотишлар, нотўғри узатмалар вужудга келди.

Қисқаси ишончли ўйин кўрсата олмадик. Яна рақиб жамоага 3-4та хавфли вазиятларни ҳам яратиб бердик.

“Бавария” бугун кўп жиҳатларда оқсади. Албатта, мен бу ҳақда танаффусда шогирдларимга тушунтирдим.

“Андерлехт” жамоасига ҳам миннатдорчиллик билдириб ўтмоқчиман. Янги мураббий қўл остида жамоа умуман бошқача руҳда харакатланди.

Бизга нисбатан рақиб жамоада ғалабага бўлган иштиёқ кучли эди. Ғалаба ўз йўлига, лекин бундай ёмон ўйнамаслигимиз керак эди”, - дейди Хайнкес.