Бир неча кун муқаддам, матбуотда «Эвертон» клуби Луи ван Галга қизиқиш билдираётгани ҳақида хабар берилган эди.
Ливерпулликлар Роберт Куманни ўз лавозимидан озод этганидан кейин бош мураббий қидиришмоқда. Ван Гал номзодларнинг бири сифатида кўрилаётган эди.
Аммо Ван Гал «Эвертон» клубини бошқариш нияти йўқ эканлигини айтди ва ҳаттоки, бу клуб унинг даражасига мос эмаслигини билдирди. Голландиялик мутахассис «Манчестер Юнайтед» клубидан кейин юқори савияли жамоада ишлаганича йўқ.
Британиялик журналист Кэрри Брауннинг хабар қилишича, мураббийга бу савиядаги клубларни бошқариш қизиқ эмас.
У Англияда фаолиятини давом эттириш истагида ва фақатгина кучли тўртлик вакиллари таклифини кўриб чиқмоқчи. Балки, у «Арсенал» клубини мўлжаллаётгандир?
