Жароҳати сабаб “Реал”нинг сўнгги учрашувларида майдонга туша олмаётган дарвозабон Кейлор Навас жамоа умумий гуруҳ машғулотларига қайтди. Бу ҳақда “Реал” Матбуот хизмати хабар бермоқда.

Бугун, 23 ноябрь куни мадридликлар навбатдаги машғулотларни ўтказишди. Навас сафга қайтган бўлса, Марко Асенсио тренажёр залида якка тарзда шуғулланган.

Эслатиб ўтамиз, Кейлор Навас 19 октябрь куни “Реал” машғулотларида жароҳат олиб, сафдан чиққанди.

Тахминларга кўра, Навас“Реал”га Ла-Лиганинг 13-тур доирасида “Малага”га қарши учрашувда ёрдам бера олади.

Маълумот учун, Кейлор Навас жорий мавсум Испания чемпионатида 6 учрашувда майдонга тушиб, 5 та гол ўтказиб юборган.

“Реал” – “Малага” учрашуви 25 ноябрь, шанба куни соат 20:15 да бошланади.