ОЧЛ финал учрашувининг жавоб баҳсида «Урава Редс» Саудиянинг «Ал-Ҳилол» клубини мағлуб этди. Саитама шаҳрида кечган баҳсда мезбонлар 1:0 ҳисобида устун келдилар.

Японларнинг ягона голига 88-дақиқада Рафаэл Силва муаллифлик қилди. Шундай қилиб, икки ўйин натижасига кўра, “қизиллар” ОЧЛ чемпионлигини қўлга киритдилар.

Ушбу жамоаларнинг 18 ноябрдаги bkr учрашуви 1:1 ҳисобида якунланган эди.

Шу тариқа, “Урава Редс” ўз тарихида иккинчи бор ОЧЛ ғолиблигини қўлга киритди ва клублар ўртасидаги ЖЧда Осиё шарафини ҳимоя қиладиган бўлди.

ОЧЛ

Финал, жавоб баҳси

Урава Редс (Япония) – “Ал-Ҳилол” (Саудия Арабистони) 1:0.

Гол: 1:0 – 88 Рафаэл Силва.

Илк учрашув: 1:1