“Манчестер Юнайтед” бош мураббийи Жозе Моуриньо Маруан Феллайни жамоани тарк этишидан хавотирда эканлигини айтиб ўтди.

“Мен Феллайнининг “МЮ”ни тарк этишидан  хавотирдаман. Лекин мен, уни жамоада ушлаб туролмайман. Ихтиёр унинг ўзида. “МЮ” раҳбарияти ва  Феллайни ўртасида музокара давом этмоқда.

Бундай ҳолатда  бир нарса дейиш қийин. Каминанинг бу каби музокараларда қатнашишга ваколати йўқ.

Ҳар икки томонни ҳам ҳурмат қиламан. Феллайни ўзининг келажагини ўзи белгилаши керак. Феллайнига “МЮ”да қолишни маслахат берган бўлардим”, - дейди Моуриньо.

Маълумот учун, Маруан Феллайни “Манчестер Юнайтед” билан шартномасини  узайтириш нияти йўқлигини айтган.