Англия терма жамоаси собиқ футболчиси Сол Кемпбелл АҚШ терма жамоасини бошқаришга тайёрлигини айтиб ўтди.
“Ўйлашимча, АҚШ футбол федерацияси мураббийлик вакантига кўпгина номзодларни кўриб чиқяпти. Лекин уларда асосий қарорни қабул қилиш учун оз фурсат қолди.
Уларга жамоани ўзгартира оладиган мураббий зарур. Ахир АҚШ футболга миллионлаб инвестиция киритмоқда, демак АҚШга натижа кўрсата оладиган мураббий керак.
Тўғри, улар мураббийни ўзларидан ахтаришмоқда. Лекин баъзида бошқа томонларга назар сола билиш жуда фойдали деб биламан. Менимча дунёда АҚШга фойдаси тегадиган мураббийлар талайгина. Агарда менга шу вазифани ишониб топширишса, таклифни ўйлаб кўрган бўлардим”, - дейди Кемпбелл.
