Angliya terma jamoasi sobiq futbolchisi Sol Kempbell AQSH terma jamoasini boshqarishga tayyorligini aytib o‘tdi.
“O‘ylashimcha, AQSH futbol federasiyasi murabbiylik vakantiga ko‘pgina nomzodlarni ko‘rib chiqyapti. Lekin ularda asosiy qarorni qabul qilish uchun oz fursat qoldi.
Ularga jamoani o‘zgartira oladigan murabbiy zarur. Axir AQSH futbolga millionlab investisiya kiritmoqda, demak AQSHga natija ko‘rsata oladigan murabbiy kerak.
To‘g‘ri, ular murabbiyni o‘zlaridan axtarishmoqda. Lekin ba’zida boshqa tomonlarga nazar sola bilish juda foydali deb bilaman. Menimcha dunyoda AQSHga foydasi tegadigan murabbiylar talaygina. Agarda menga shu vazifani ishonib topshirishsa, taklifni o‘ylab ko‘rgan bo‘lardim”, - deydi Kempbell.
