"Арсенал" дарвозабони Петр Чех "Бёрнли"га қарши ўйиндан (1:0) кейин ўз фикрини билдириб ўтди. Мазкур ўйинда "канонирлар" қийин ғалабага эришди. Учрашувдаги ягона голни Алексис Санчес қўшиб берилган дақиқаларда пенальтидан киритди. Петр Чех "The Guardian" нашрига берган интервьюсида бу ғалаба "Арсенал"ни чемпионлик курашида руҳлантиришини таъкидлаб ўтди.

"Атрофда бўлаётган воқеалар ҳақида ҳаддан ташқари кўп ўйламасдан, ўйиндан ўйинга ҳаракатланиш лозим. Ғалаба қозонар экансан, ўз имкониятларингни яхшилаб борасан. Рақиб ҳам сен билан бирга ғалаба қозонса, демак, унга ета олмайсан. Аммо аввало ўз ўйинингда ғолиб чиқишинг шарт. Энди 13та тур ортда қолди. Бутун мавсум давомида барқарорлик намойиш қилиш лозим", – деди Чех.

"Арсенал" 13-турдан кейин 25 очко билан жадвалда 4-ўринни эгаллаб турибди.