"Arsenal" darvozaboni Petr Chex "Byornli"ga qarshi o‘yindan (1:0) keyin o‘z fikrini bildirib o‘tdi. Mazkur o‘yinda "kanonirlar" qiyin g‘alabaga erishdi. Uchrashuvdagi yagona golni Aleksis Sanches qo‘shib berilgan daqiqalarda penaltidan kiritdi. Petr Chex "The Guardian" nashriga bergan intervyusida bu g‘alaba "Arsenal"ni chempionlik kurashida ruhlantirishini ta’kidlab o‘tdi.

"Atrofda bo‘layotgan voqealar haqida haddan tashqari ko‘p o‘ylamasdan, o‘yindan o‘yinga harakatlanish lozim. G‘alaba qozonar ekansan, o‘z imkoniyatlaringni yaxshilab borasan. Raqib ham sen bilan birga g‘alaba qozonsa, demak, unga yeta olmaysan. Ammo avvalo o‘z o‘yiningda g‘olib chiqishing shart. Endi 13ta tur ortda qoldi. Butun mavsum davomida barqarorlik namoyish qilish lozim", – dedi Chex.

"Arsenal" 13-turdan keyin 25 ochko bilan jadvalda 4-o‘rinni egallab turibdi.