«ПСЖ» клуби Nike компанияси билан янги шартнома имзолайди. Америкадан бўлган спорт товарларини ишлаб чиқарувчи фирма ҳомийлик тўловларини йилига 25 млн евродан 60 млн еврогача оширади.
Янги келишув 10 йилга мўлжалланган бўлиб, унга ЕЧЛ ғолиблиги учун 10 млн евро мукофот пули ажратиш ҳам қўшилади.
Айтилишича, ушбу янги келишувга Неймарнинг «ПСЖ»га ўтгани сабаб қилиб кўрсатилмоқда.
Шунингдек, парижликлар титул ҳомийси ҳисобланган Fly Emirates'дан йилига 50 млн евро олишни мўлжал қилмоқдалар. Ҳозирда амирликлар компанияси йилига 25 млн евро тўлайди.
