Москванинг «Локомотив» клуби ҳимоячиси Виталий Денисов Россия чемпионатининг 18-тури доирасида бўлиб ўтган «СКА-Хабаровск»га қарши ўйин борасида ўз фикрларини билдириб ўтди. "Темирйўлчилар" жуда кучли совуқ иқлим шароитида ўйнашларига тўғри келди. Шунга қарамай, "Локо" рақибни мағлуб этишга муваффақ бўлди.

«Хабаровскдан қайтаётганимизда, барча йўталга чалинганди. Регламент бўйича, майдонга тушган футболчиларга шарфда ўйнаш тақиқланади. Фарфандан фаолиятти давомида қандай даражадаги совуқда ўйнашга тўғри келганини сўрадим. У эса «Ҳаётимда илк марта бундай ҳавода ўйнадим!», — дея жавоб берди. Россияда ўйнаётганимизни инобатга олсак, барча ҳудудлар ҳам илиқ ҳавони топиш қийин. Ҳаттоки декабрь ойи сўнгида Москвада ҳам совуқ бўлади. Табиат тақвим деган нарсани тушунмайди. Қиш ҳам яқинлашиб қолди», - деди Денисов.