"Челси" бош мураббийи Антонио Конте премьер-лигада "Суонси"га қарши ўйиндан сўнг (1:0) учрашув вақтида ўзининг майдондан четлатилишига изоҳ берди.
"Рақибнинг вақтни чўзиши менга ёқмади, ҳакам ёрдамчисига буни бир неча марта таъкидладим. Аммо мен кечирим сўрадим, чунки нотўғри ҳаракат қилдим. Ғуштакдан сўнг ҳакамлар билан учрашдим. Бунинг учун кечирим сўраш керак эди.
Четлатилишим қанчалик ҳаққоний бўлди билмадим, аммо ҳакамлар қарорини ҳурмат қилиш керак. Гоҳида рақибнинг бугунгидай қилиғидан сўнг бундай хатолар қилиш мумкин", - дейди Конте.
