"Chelsi" bosh murabbiyi Antonio Konte premyer-ligada "Suonsi"ga qarshi o‘yindan so‘ng (1:0) uchrashuv vaqtida o‘zining maydondan chetlatilishiga izoh berdi.

"Raqibning vaqtni cho‘zishi menga yoqmadi, hakam yordamchisiga buni bir necha marta ta’kidladim. Ammo men kechirim so‘radim, chunki noto‘g‘ri harakat qildim. G‘ushtakdan so‘ng hakamlar bilan uchrashdim. Buning uchun kechirim so‘rash kerak edi.

Chetlatilishim qanchalik haqqoniy bo‘ldi bilmadim, ammo hakamlar qarorini hurmat qilish kerak. Gohida raqibning bugungiday qilig‘idan so‘ng bunday xatolar qilish mumkin", - deydi Konte.