“Атлетико” клуби аъзоси Антуан Гризманн 2013 йилда нега “Арсенал”га ўта олмагани маълум булди. Ўшанда франциялик футболчи “Реал Сосьедад” аъзоси эди.
Гризманн ўзининг автобиографик асарида “Арсенал” билан боғлиқ воқеага тўхталиб ўтган.
“Мен кутдим, кутдим, яна кутдим, аммо янгилик бўлмади. Агентим “Арсенал”дагиларга қўнғироқ қилганида улар Венгер мени сотиб олишини, фақат озроқ кутиш кераклигини айтишди. Бироқ трансфер ойнаси якунланишига саноқли дақиқалар қолганида эса “Арсенал”дагилар “Реал Сосьедад” таклифини қабул қилишмагани маълум бўлди. Бу менга умуман ёқмади. Шу боис “Арсенал” менга кейин яна таклиф жўнатганида агентимга бу клубга ўтмаслигимни айтдим”, деб ёзган Гризманн.
