“Atletiko” klubi a’zosi Antuan Grizmann 2013 yilda nega “Arsenal”ga o‘ta olmagani ma’lum buldi. O‘shanda fransiyalik futbolchi “Real Sosyedad” a’zosi edi.
Grizmann o‘zining avtobiografik asarida “Arsenal” bilan bog‘liq voqeaga to‘xtalib o‘tgan.
“Men kutdim, kutdim, yana kutdim, ammo yangilik bo‘lmadi. Agentim “Arsenal”dagilarga qo‘ng‘iroq qilganida ular Venger meni sotib olishini, faqat ozroq kutish kerakligini aytishdi. Biroq transfer oynasi yakunlanishiga sanoqli daqiqalar qolganida esa “Arsenal”dagilar “Real Sosyedad” taklifini qabul qilishmagani ma’lum bo‘ldi. Bu menga umuman yoqmadi. Shu bois “Arsenal” menga keyin yana taklif jo‘natganida agentimga bu klubga o‘tmasligimni aytdim”, deb yozgan Grizmann.
