Франциянинг «Сарсель» клуби тарбияланувчиси Алиу Траоре «Манчестер Юнайтед» футболчисига айланди. 17 ёшли Траорега клуб скаутлари шу йилнинг ёзида қизиқиш билдирган эди. Англияликлар футболчини сотиб олишга қарор қилишди.
«Траорени бир муддат кузатдик ва у ростдан ҳам ажойиб футболчи эканлигини намойиш қилди. У кучли ярим ҳимоячи, жарима майдони ташқарисида ва унинг ичида ҳам яхши ўйнай олади.
Алиу техник томондан яхши тайёргарликка эга ва кундан-кун ўсишда давом этмоқда» - дейди «Манчестер Юнайтед» клубининг ёшлар жамоаси мураббийи Киран МакКаннен.
