Дунёга машҳур футбол афсоналарининг футбол ҳақидаги қизиқарли ибораларидан тузилган коллекцияни қуйидаги ўқишингиз мумкин.
Алeссандро Дeл Пьeро (Италия)
- Россия футболи етарли даражада қизиқарли, унда кучли футболчилар ҳам, тажрибали мураббийлар ҳам етарлича топилади. Аммо, нима сабабдан улар бизга қарши яхши ўйнай олмасликларини тушунмайман. Балким улар италянлар олдида тортиниб, уялиб қоларлар?(Россия терма жамоаси ҳақида)
- Агарда Липпи мени жаҳон чемпионатига олиб кетмайдиган бўлса, аниқки унинг автомабилининг ғилдиракларини тешаман, яхтасини чўктириб юбораман ва уйининг деворларига «Липпи – ҳалигинақа» деб ёзиб кетаман. Фақатгина шундан сўнг, ўз зиммамдаги вазифани адо этганлик ҳиссиёти билан бемалол телевизор қаршисида ўтираман. Бутун жаҳон чемпионатида унинг жамоасига қарши мухлислик қиламан. (ЖЧ-2006дан олдин Марчелла Липпига)
- Мен ҳаётимни болалигимда севиб ўйнаган видео ўйинлардаги каби ўтказяпман. Бир тўсиқни енгиб ўтгач, унда албатта бошқа тўсиқ ва мақсадлар пайдо бўлаверади.
- Жароҳатлар мени шунчалик таъқиб этяптики, уларга дастхат керакмикан, деб ўйлаб қоламан баъзан.
Алeссандро Нeста (Италия)
- Жанубий Корея терма жамоаси таркибида жуда катта иқтидорга эга бўлган футболчилар бор. Бу иқтидор шу даражада юксакки, дунёдаги энг кучли актёрлар ҳам ҳозирда уларга ҳавас қилмоқдалар.
Жорж Бeст (Шимолий Ирландия)
- У чап оёғи билан зарба беролмайди, бош билан ўйнолмайди, рақибни алдаб,тўпни ололмайди ва кўп гол уролмайди. Қолган масалада унда ҳаммаси жойида (Девид Бекхем ҳақида).
- Охиригача кураш. Оғриқ ўтиб кетади, соврин эса абадий қолади.
