Dunyoga mashhur futbol afsonalarining futbol haqidagi qiziqarli iboralaridan tuzilgan kolleksiyani quyidagi o‘qishingiz mumkin.
Alessandro Del Pero (Italiya)
- Rossiya futboli yetarli darajada qiziqarli, unda kuchli futbolchilar ham, tajribali murabbiylar ham yetarlicha topiladi. Ammo, nima sababdan ular bizga qarshi yaxshi o‘ynay olmasliklarini tushunmayman. Balkim ular italyanlar oldida tortinib, uyalib qolarlar?(Rossiya terma jamoasi haqida)
- Agarda Lippi meni jahon chempionatiga olib ketmaydigan bo‘lsa, aniqki uning avtomabilining g‘ildiraklarini teshaman, yaxtasini cho‘ktirib yuboraman va uyining devorlariga «Lippi – haliginaqa» deb yozib ketaman. Faqatgina shundan so‘ng, o‘z zimmamdagi vazifani ado etganlik hissiyoti bilan bemalol televizor qarshisida o‘tiraman. Butun jahon chempionatida uning jamoasiga qarshi muxlislik qilaman. (JCH-2006dan oldin Marchella Lippiga)
- Men hayotimni bolaligimda sevib o‘ynagan video o‘yinlardagi kabi o‘tkazyapman. Bir to‘siqni yengib o‘tgach, unda albatta boshqa to‘siq va maqsadlar paydo bo‘laveradi.
- Jarohatlar meni shunchalik ta’qib etyaptiki, ularga dastxat kerakmikan, deb o‘ylab qolaman ba’zan.
Alessandro Nesta (Italiya)
- Janubiy Koreya terma jamoasi tarkibida juda katta iqtidorga ega bo‘lgan futbolchilar bor. Bu iqtidor shu darajada yuksakki, dunyodagi eng kuchli aktyorlar ham hozirda ularga havas qilmoqdalar.
Jorj Best (SHimoliy Irlandiya)
- U chap oyog‘i bilan zarba berolmaydi, bosh bilan o‘ynolmaydi, raqibni aldab,to‘pni ololmaydi va ko‘p gol urolmaydi. Qolgan masalada unda hammasi joyida (Devid Bekxem haqida).
- Oxirigacha kurash. Og‘riq o‘tib ketadi, sovrin esa abadiy qoladi.
