Каталониянинг “Барселона” клуби бош мураббийи Эрнесто Вальверде “Сельта”га қарши учрашув (2:2) дан сўнг ўз фикрларини билдириб ўтди.

“Юмтитининг жароҳати сабаб биз икки очкони қўлдан бой бердик. Яхшиямки захирамизда яна бир нафар марказий ҳимоячи бор.

Пике, Алькасер, Паулиньо ва Мессида гол уриш учун етарли имкониятлар бўлди. Лекин бу вазиятларда омадимиз келмади. Юмтитининг жароҳати биз учун катта йўқотиш.

Биз “Барселона” ва шунинг учун доим ғалаба қозонишни истаймиз. Баъзида ғалаба қозонамиз, баъзида эса йўқ. Бу каби ҳолатлар ҳар доим кузатилиши ёмон”, – дейди Вальверде.

Эслатиб ўтамиз, Самуэль Юмтити “Сельта”га қарши ўйинда жароҳат олиб, камида 8 ҳафтага сафдан чиқди.