Kataloniyaning “Barselona” klubi bosh murabbiyi Ernesto Valverde “Selta”ga qarshi uchrashuv (2:2) dan so‘ng o‘z fikrlarini bildirib o‘tdi.
“Yumtitining jarohati sabab biz ikki ochkoni qo‘ldan boy berdik. Yaxshiyamki zaxiramizda yana bir nafar markaziy himoyachi bor.
Pike, Alkaser, Paulinyo va Messida gol urish uchun yetarli imkoniyatlar bo‘ldi. Lekin bu vaziyatlarda omadimiz kelmadi. Yumtitining jarohati biz uchun katta yo‘qotish.
Biz “Barselona” va shuning uchun doim g‘alaba qozonishni istaymiz. Ba’zida g‘alaba qozonamiz, ba’zida esa yo‘q. Bu kabi holatlar har doim kuzatilishi yomon”, – deydi Valverde.
Eslatib o‘tamiz, Samuel Yumtiti “Selta”ga qarshi o‘yinda jarohat olib, kamida 8 haftaga safdan chiqdi.
