Германиянинг “Хоффенхайм” жамоаси бош мураббийи Юлиан Нагельсманнинг айтишига кўра, клуб ҳужумчиси Сандро Вагнернинг “Бавария” аъзосига айланишига оз қолди.
“Алдашни хоҳламайман. Вагнернинг “Бавария”га ўтиши кейинги ҳафтада ёки яқин кунларда расмийлаштирилади”, - дейди Нагельсманн.
30 ёшли форвард ушбу мавсумда Бундеслиганинг 11 турида 4 гол уриб, 2 марта ассистент бўлди. Шунингдек, унинг ҳисобида Европа лигасида 1 тадан гол ва ассистентлик бор.
Олдинроқ “Бавария” амалдори Карл-Хайнц Румменигге "Хоффенхайм” Вагнер учун жуда катта маблағ сўраётганлигини маълум қилганди.
