Бирлашган Араб Амирликларида клублар ўртасидаги жаҳон чемпионати давом этмоқда.

Мусобақанинг иккинчи чоракфинал баҳсида БААнинг «Ал-Жазира» ва Япониянинг «Урава Ред Даймондс» клублари беллашди.

Иккинчи бўлимда Али Мабхут томонидан урилган ягона гол мезбонларни яримфиналга олиб чиқди.

Қайд қилиш жоизки, ҳамюртимиз Сардор Рашидов бу сафар ҳам «Ал-Жазира» захирасида қолдирилди.

Энди «Ал-Жазира» финал йўлланмаси учун Мадриднинг «Реал» клуби билан беллашади. «Урава Ред Даймондс» эса 5-ўрин учун баҳсда Марокашнинг «Видад» клубига қарши майдонга тушади.

КЖЧ-2017. Чоракфинал 
9 декабрь
Ал-Жазира (БАА) – Урава Ред Даймондс (Япония) - 1:0
Гол: 1:0 – 52 Мабхут. 
Ал-Жазира – Хасиф, Фарис Жума, Айед (Халфан, 90), Файез, Умар (Ал-Утайба, 89), Юсуф (Ал-Ғиланий, 84), Рашид, Абдулла, Буссуфа, Мабхут, Ромариньо.
Урава Ред Даймондс – Ниcикава, Угадзин, Макино, Эндо (Мориваки, 72), Касиваги, Абе, Ядзима (Любиянкич, 76), Аоки, Рафаэл Силва, Короки, Муто (Такаги, 67).
Огоҳлантиришлар: Макино (42), Рашид (56), Муто (62), Юсеф (64).

КЖЧ-2017 тақвими

Чоракфиналлар
9 декабрь, Пачука (Мексика) - Видад Касабланка (Марокаш) - 1:0
9 декабрь, Ал-Жазира (БАА) - Урава Ред Даймондс (Япония) - 1:0 

5-ўрин учун баҳс
12 декабрь, 19:00 Видад Касабланка (Марокаш) - Урава Ред Даймондс (Япония) 

Яримфиналлар
12 декабрь, 22:00 Гремио (Бразилия) - Пачука (Мексика) 
13 декабрь, 22:00 Ал-Жазира (БАА) - Реал Мадрид (Испания)

3-ўрин учун баҳс
16 декабрь, 19:00 

Финал
16 декабрь, 22:00 

Ўйинларнинг бошланиши Тошкент вақти билан кўрсатилган.