"Бинокор" хоккей клуби БАА президенти кубоги учун ҳалқаро мусобақада ғолиб бўлди, дея хабар беради Sputnik.

"Бинокор" тўрт учрашув ўтказди ва барчасини йирик ҳисобда ғалабаб билан тугатди: "Бинокор" — Timber Wolves 6:3, "Бинокор" — Tneebs 8:3, "Бинокор" — Oman National 12:2, "Бинокор" — Storms 6:4.

"Бу ҳалқаро мусобақада олдимизда икки вазифа турган эди: мамлакатимиз шарфини муносиб ҳимоя қилиш ва ёш хоккейчиларимизни синаш. Мусобақа давомида бунинг уддасидан чиқдик" - дейди "Бинокор" бош мураббийи Алишер Азимов.

Мусобақадан сўнг ўзбек жамоаси БАА нинг EHL хоккей лигасида қатнашувчи канаданинг Mighty Camels клуби билан ўртоқлик учрашуви ўтказди. Учрашув ўзбекистонликларнинг йирик ҳисобдаги ҳалабаси билан тугади - 10:2.

"Канадаликлар ўзбекистонлик хоккейчиларнинг ўйинидан ҳайрон қолдиларки, Google тизимидан Ўзбекистоннинг қаерда жойлашганини излаб қолдилар. Улар хоккей бизда бор-йўғи 5 йил аввал қайта туғилганидан ажабландилар", - дейди Азимов.