Испаниялик журналист Игнасио Мартинеснинг хабарига кўра, ПСЖ клуби ҳужумчиси Неймар ёзда Мадриднинг “Реал” клубига ўтишни истамоқда.
“Неймар айни дамда маошидан норози, шу боисдан ҳам у “Реал”га ўтишни истамоқда. У бу ҳақда ўз дўстларига айтиб ўтган. Агентига эса бу трансфер ишлари борасида шуғулланишни бошлаш кераклигини маълум қилган. У Париждан шу мавсум якунланган захотиёқ кетишни хоҳламоқда.
“Барселона” ва унинг президенти Жозеп Бартомеу Неймарнинг “Реал”га ўтишига ишонишмайди. Агар шундай бўлган тақдирда ҳам бунга ҳотиржамлик билан қарашади”, - деб ёзади журналист.
