“Манчестер Сити” клуби бош мураббийи Пеп Гвардиола “Манчестер Юнайтед”га қарши ўйин (1:2) дан сўнг “қизил иблислар” мураббийи Жозе Моуриньонинг “Сити” футболчилари тактик фолларни кўп қўллайди деган фикри хато эканлигини таъкидлади.
“Ҳеч қачон футболчиларга майдонда ўйин қоидасини бузинглар демаганман. Ўйин давомида қанча фол ишлатишимизни билмайман.
Аммо тўп назорати 70 фоиз бизда бўлса, бундай услубда ўйнамаймиз. Бу футбол ва унда ҳар хил вазиятлар бўлади.
Масалан қоқилиб кетиб, рақиб футболчисига урулиш натижасида ҳам огоҳлантириш олиш мумкин”, - дейди Гвардиола.
